BANK TIZIMI XODIMLARI UChUN MAXSUS KIYIM, MAXSUS POYABZAL VA BOShQA YAKKA TARTIBDA HIMOYALANISh VOSITALARINI BEPUL BERIShNING NAMUNAVIY MEʼYORLARINI TASDIQLASh HAQIDA
Oʻzbekiston Respublikasi Vazirlar Mahkamasining 2000-yil 12-iyuldagi 267-sonli “Mehnatni muhofaza qilishga doir meʼyoriy hujjatlarni qayta koʻrib chiqish va ishlab chiqish toʻgʻrisida”gi qarori bilan tasdiqlangan “Mehnatni muhofaza qilish qoidalari va normalarini qayta koʻrib chiqish, ishlab chiqish va joriy etish dasturi”ning ijrosini taʼminlash maqsadida buyuraman: 1. Bank tizimi xodimlari uchun maxsus kiyim, maxsus poyabzal va boshqa yakka tartibda himoyalanish vositalarini bepul berishning namunaviy meʼyorlari ilovaga muvofiq tasdiqlansin. 2. Ushbu Namunaviy meʼyorlar Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kundan soʻng kuchga kiritilsin. 3. Mehnat muhofazasi boshqarmasi (V. Nichkasov) ushbu Qoidalar Adliya vazirligida roʻyxatdan oʻtkazilganidan soʻng ularni nashr etish yuzasidan “Mehnat” nashriyotiga tavsiya tayyorlasin. 4. Ushbu buyruq bajarilishini nazorat qilish vazir oʻrinbosari A. Akbarov zimmasiga yuklatilsin. Oʻzbekiston Respublikasi Mehnat va aholini ijtimoiy muhofaza qilish vaziri O. OBIDOV Toshkent sh., 2003-yil 3-iyun, 53-son
| T/r | Kasb va lavozim nomlari | Maxsus kiyim-bosh, poyabzal va shaxsiy himoya vositalari | Xizmat muddati (oy) |
|---|---|---|---|
| 1 | 2 | 3 | 4 |
| 1 | Inkassatsiya xodimlari: | Qishki kurtka | 36 |
| Yengil kurtka | 18 | ||
| Kostyum shimi bilan | 18 | ||
| Yengil shim | 18 | ||
| Qishki shim | 18 | ||
| Yozgi poyabzal | 24 | ||
| Qishki poyabzal | 36 | ||
| Kalta yengli koʻylak | 6 | ||
| Uzun yengli koʻylak | 6 | ||
| Yozgi bosh kiyim | 18 | ||
| Qishki bosh kiyim | 36 | ||
| Ensiz kamar | 36 | ||
| Ensiz kamar | 60 | ||
| Kabura | 60 | ||
| Bronejelet (boyliklarni viloyatlararo tashuvchi inkassatorlar uchun) | 60 | ||
| 2 | Kassir | Ip-gazlama xalat | 12 |
| 3 | Nusxa koʻchirish operatori | Ip-gazlama xalat | 12 |
| 4 | Teletayp operatori | Ip-gazlama xalat | 12 |
| 5 | Arxiv ishchisi | Ip-gazlama xalat | 12 |
| 6 | Qurilish ishchisi | Qoʻlqop Ip-gazlama kurtka | 3 24 |
| 7 | Hovlibon (dvornik) | Ip-gazlama kostyum Qoʻlqop Nam oʻtkazmaydigan plash | 12 3 36 |
| 8 | Ombor ishchisi | Ip-gazlama kostyum yoki xalat Qoʻlqop | 12 3 |
| 9 | Santexnik-taʼmirlovchi | Ip-gazlama kostyum Qoʻlqop Rezina koʻlqop Rezina etik | 12 3 navbatchi 12 |
| 10 | Nazorat-hisoblash asboblarini taʼmirlovchi chilangar (slesar) | Xalat yoki ip-gazlama kostyum Qoʻlqop Dielektrik qoʻlqop Dielektrik kalish | 12 2 navbatchi navbatchi |
| 11 | Duradgor | Ip-gazlama kostyum Ip-gazlama fartuk Qoʻlqop | 12 6 3 |
| 12 | Farrosh | Ip-gazlama xalat Qoʻlqop | 12 3 |
| 13 | Elektr asboblarga xizmat koʻrsatuvchi elektromontyor | Kostyum ip-gazlama Dielektrik qoʻlqop Dielektrik kalish | 12 navbatchi navbatchi |
| 14 | Avtomatika va nazorat oʻlchov asboblari chilangari | Ip-gazlama kostyum Dielektrik qoʻlqop | 12 navbatchi |
| 15 | Oshxona ishchisi | Oq xalat yoki kostyum Qoʻlqop | 12 6 |
| 16 | Idish-tovoq yuvuvchi | Rezina fartuk | 12 |
| 17 | Kutubxonachi | Ip-gazlama xalat | 12 |
| 18 | Liftlar boʻyicha elektromexanik | Ip-gazlama kostyum (kombinizon) Qoʻlqop �� Qoʻshimcha: Himoya kamari Himoya kaskasi Dielektrik qoʻlqop | 12 3 navbatchi navbatchi navbatchi |
| 19 | Ishchi va yuk tashuvchilar | Brezent kurtka Xalat Brezent qoʻlqop | 12 12 1 |
| 20 | Ventilatsiya va isitish tizimini taʼmirlovchi va unga xizmat koʻrsatuvchi chilangar | Ip-gazlama kostyum Qoʻlkop | 12 2 |
Ushbu Namunaviy meʼyorlar Oʻzbekiston Respublikasi Markaziy banki, Oʻzbekiston Respublikasi Kasaba uyushmalari Federatsiyasi Kengashi va Oʻzbekiston Respublikasi Sogʻliqni saqlash vazirligi bilan kelishilgan. Toshkent sh., 2003-yil 26-may Toshkent sh, 2003-yil 26-may Toshkent sh., 2003-yil 26-may (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2003-y.,12-son)