Maxfiylik siyosati

Ushbu Maxfiylik siyosati (keyingi o'rinlarda — «Siyosat») xavfsiz-hayot.uz veb-saytidan (keyingi o'rinlarda — «Sayt») foydalanuvchi jismoniy shaxslarning shaxsiy ma'lumotlarini qayta ishlash va himoya qilish tartibini belgilaydi. Shaxsiy ma'lumotlar operatori O'zbekiston Respublikasida ro'yxatdan o'tgan «Xavfsiz Hayot» MChJ (keyingi o'rinlarda — «Kompaniya», «biz») hisoblanadi. Yuridik manzil: Toshkent sh., Mirzo Ulug'bek tumani, Buyuk Ipak Yo'li ko'chasi, 481. Saytdan foydalanish va shaxsiy ma'lumotlaringizni taqdim etish orqali siz O'zbekiston Respublikasining «Shaxsiy ma'lumotlar to'g'risida»gi Qonuniga (2019 yil 2 iyuldagi ZRU-547-son) muvofiq ushbu Siyosat shartlariga rozilik bildirasiz.

Biz quyidagi toifadagi shaxsiy ma'lumotlarni yig'amiz: Siz tomonidan taqdim etilgan ma'lumotlar: • Familiya, ism, otasining ismi • Tashkilot nomi • Lavozim • Telefon raqami • Elektron pochta manzili • Aloqa shakllaridagi xabarlar va izohlar mazmuni Hisob yozuvi ma'lumotlari (shaxsiy kabinetda ro'yxatdan o'tishda): • Elektron pochta manzili • Parol (faqat qaytarilmas xesh ko'rinishida saqlanadi) • Google orqali kirishda — Google akkauntidagi ism, elektron pochta manzili va identifikator Avtomatik yig'ilgan ma'lumotlar: • Qurilmaning IP manzili • Brauzer turi va versiyasi • Operatsion tizim • Tashrif sanasi va vaqti • Ko'rilgan sahifalar va ko'rish davomiyligi • Saytga o'tish manbai • Brauzer xotirasidagi (sessionStorage) shaxssiz sessiya identifikatori • Geografik joylashuv haqida ma'lumot (hudud, shahar)

Biz shaxsiy ma'lumotlaringizni quyidagi maqsadlarda qayta ishlaymiz: • Arizalarni ko'rib chiqish — ish joylarini attestatsiya qilish, mehnat muhofazasi auditi, o'qitish va boshqa xizmatlar bo'yicha so'rovlarni ko'rib chiqish • Siz bilan aloqa — savollarga javoblar, maslahatlar, ariza holati haqida xabar berish • Shartnomalar tuzish va bajarish — tijorat takliflari, shartnomalar, bajarilgan ishlar dalolatnomalari tayyorlash • Shaxsiy kabinetga kirish huquqini berish — mijozlar va ro'yxatdan o'tgan foydalanuvchilar uchun, shu jumladan E-XAVF dasturiga demo kirish • Xizmat xabarnomalari — elektron pochta manzilini tasdiqlash, parolni tiklash, shaxsiy kabinet bildirishnomalari • Sayt ishlashini yaxshilash — tashriflar tahlili, foydalanuvchi tajribasini optimallashtirish • Qonunchilikka rioya qilish — O'zbekiston Respublikasi normativ hujjatlari talablarini bajarish

Biz shaxsiy ma'lumotlarni quyidagi huquqiy asoslarda qayta ishlaymiz: • Sub'ekt roziligi — saytdagi shakl orqali ariza yuborishda siz ma'lumotlarni qayta ishlashga rozilik bildirasiz • Shartnomani bajarish — ma'lumotlarni qayta ishlash xizmatlar ko'rsatish shartnomasi tuzish va bajarish uchun zarur • Qonuniy manfaatlar — xizmatlar sifati va sayt ishlashini yaxshilash • Qonunchilikka rioya — O'zbekiston Respublikasi qonunlari talablarini bajarish

Biz shaxsiy ma'lumotlaringizni tijorat maqsadlarida uchinchi shaxslarga sotmaymiz, ijaraga bermaymiz va uzatmaymiz. Ma'lumotlar faqat quyidagi hollarda uzatilishi mumkin: Davlat organlariga: • O'zbekiston Respublikasi Bandlik va kambag'allikni qisqartirish vazirligiga — ish joylarini attestatsiya qilish materiallarini davlat ekspertizasidan o'tkazish uchun (O'zR VM 2017 yil 27 apreldagi 246-sonli qaroriga muvofiq) • Respublika bandlik va mehnat muhofazasi ilmiy markaziga — 100 va undan ortiq xodimga ega tashkilotlar bo'yicha ekspertiza uchun • Boshqa davlat organlariga — ularning qonunchilikka muvofiq rasmiy so'rovlari bo'yicha Texnologik hamkorlarga — Sayt ishlashi uchun zarur hajmda: • Cloudflare, Inc. (AQSH) — Saytni hujumlardan himoya qilish va kontentni yetkazish; Sayt tarmoq trafigi, shu jumladan IP manzillar, Cloudflare infratuzilmasi orqali o'tadi • Brevo (Sendinblue SAS, Fransiya) — xizmat xatlarini yuborish (manzilni tasdiqlash, parolni tiklash); elektron pochta manzili va xat mazmuni uzatiladi • Google LLC (AQSH) — faqat Google akkaunti orqali kirishda: Google bizga ismingiz, pochta manzilingiz va akkaunt identifikatoringizni uzatadi Uchinchi tomon veb-tahlil xizmatlariga ma'lumotlar uzatilmaydi. Tashriflar statistikasi Kompaniyaning o'z tizimi tomonidan yig'iladi va faqat O'zbekiston Respublikasidagi serverlarimizda qayta ishlanadi. Yandex.Metrika, Google Analytics va shunga o'xshash hisoblagichlar Saytda ishlatilmaydi.

Saqlash joyi: Shaxsiy ma'lumotlar «Shaxsiy ma'lumotlar to'g'risida»gi Qonun talablariga muvofiq O'zbekiston Respublikasi hududida joylashgan serverlarda saqlanadi. Ma'lumotlar O'zbekiston Respublikasidan tashqariga faqat 5-bo'limda tavsiflangan hollarda va hajmlarda uzatiladi (Cloudflare, Brevo, Google). Saqlash muddatlari: • Aloqa shakllaridan ma'lumotlar — oxirgi murojaatdan 3 yil • Shartnomalar bo'yicha mijozlar ma'lumotlari — shartnoma munosabatlari tugaganidan keyin 5 yil • Buxgalteriya hisobi uchun ma'lumotlar — qonunchilik talablariga muvofiq (kamida 5 yil) • Veb-tahlil ma'lumotlari (tashriflar statistikasi) — ko'pi bilan 3 yil Saqlash muddatlari tugagandan so'ng ma'lumotlar o'chiriladi yoki anonimlashtriladi.

Biz shaxsiy ma'lumotlarni himoya qilish uchun zarur texnik va tashkiliy choralarni ko'ramiz: Texnik choralar: • Himoyalangan ulanish (SSL/TLS shifrlash) • Ma'lumotlar bazalariga kirishni cheklash • Ma'lumotlarni zaxira nusxalash • Antivirus himoyasi Tashkiliy choralar: • Shaxsiy ma'lumotlarga faqat vakolatli xodimlar kirishi mumkin • Xodimlar shaxsiy ma'lumotlar bilan ishlash qoidalari to'g'risida ko'rsatma olgan • Qog'oz tashuvchilardagi hujjatlar yopiq xonalarda saqlanadi

«Shaxsiy ma'lumotlar to'g'risida»gi Qonunga muvofiq sizda quyidagi huquqlar mavjud: • Ma'lumot olish — qaysi ma'lumotlaringizni qayta ishlayotganimiz haqida • Tuzatishni so'rash — noto'g'ri yoki to'liq bo'lmagan ma'lumotlarni • O'chirishni so'rash — shaxsiy ma'lumotlaringizni • Rozilikni bekor qilish — shaxsiy ma'lumotlarni qayta ishlashga • Qayta ishlashni cheklash — ma'lumotlaringizni • Shikoyat berish — O'zbekiston Respublikasi Vazirlar Mahkamasi huzuridagi Shaxsiylshtirish davlat markaziga O'z huquqlaringizni amalga oshirish uchun «Kontaktlar» bo'limida ko'rsatilgan har qanday qulay usul orqali biz bilan bog'lanishingiz mumkin.

Sayt cookies fayllaridan foydalanmaydi — na o'ziniki, na uchinchi tomonniki. Uchinchi shaxslarning reklama va tahlil hisoblagichlari (Yandex.Metrika, Google Analytics va shunga o'xshashlar) Saytda o'rnatilmagan. Cookies o'rniga nima ishlatiladi: • sessionStorage — o'z tashriflar statistikamiz uchun shaxssiz sessiya identifikatori; brauzeringizda saqlanadi va varaq yopilganda avtomatik o'chiriladi • localStorage — shaxsiy kabinet avtorizatsiya tokeni; faqat akkauntga kirgandan keyin yaratiladi va chiqishda o'chiriladi Barcha tashriflar statistikasi Kompaniyaning O'zbekiston Respublikasidagi serverlarida qayta ishlanadi va uchinchi tomon tahlil xizmatlariga uzatilmaydi. Boshqarish: Bu ma'lumotlarni brauzer sozlamalarida o'chirish mumkin — xavfsiz-hayot.uz uchun sayt ma'lumotlarini tozalash. Bu Saytning ochiq bo'limlari ishiga ta'sir qilmaydi; avtorizatsiya tokeni o'chirilgandan keyin shaxsiy kabinetga qayta kirish talab qilinadi.

Biz ushbu Maxfiylik siyosatiga o'zgartirishlar kiritish huquqini saqlab qolamiz. Muhim o'zgarishlar kiritilganda biz saytda xabarnoma joylashtiramiz. Siyosatning dolzarb versiyasini muntazam tekshirib turishingizni tavsiya etamiz. O'zgarishlar kiritilgandan keyin saytdan foydalanishni davom ettirib, yangilangan Siyosatga rozilik bildirasiz.